Rusiya Xarici İşlər Nazirliyi Moskvanın nüvə başlıqlarından istifadə edəcəyi vaxtı açıqlayıb.

Axar.az xəbər verir ki, nazirliyin Silah Yoxlama şöbəsinin sədri Mixail Ulyanov ölkəsinə qarşı nüvə, yaxud adi silahlarla hücum ediləcəyi təqdirdə nüvə başlıqları ilə cavab verəcəklərini deyib.

"İnterfaks"a danışan rusiyalı diplomat Moskvanın müttəfiqlərinə qarşı hücuma da səssiz qalmayacaqlarını bildirib:

"Rusiya Federasiyasının doktrinasına görə, iki halda nüvə silahından istifadə edə bilərik. Özünə və ya müttəfiqlərinə qarşı nüvə və digər kütləvi qırğın silahları ilə, yaxud Rusiyaya qarşı adi silahla belə hücum olarsa, nüvə başlıqları ilə cavab verəcəyik".