Ana səhifə Planet |
"Altılıq" ölkələri İranla saziş bağlamağa heç vaxt bu qədər yaxın olmayıb".
Publika.az "Reuters" agentliyinə istinadən xəbər verir ki, bu
sözləri ABŞ dövlət katibi Con Kerri deyib.
"Bu axşam mənim həmkarlarım Vyanaya qayıdırlar. Son bir neçə gün
ərzində əsl irəliləyişə nail olduq. Amma hamı anlasın ki, biz
indiyə qədər ən mürəkkəb məsələləri uyğunlaşdırmadıq. Eyni zamanda
İranın xarici işlər naziri Cavad Zəriflə tamamilə razıyam ki, biz
sazişə heç vaxt bu qədər yaxın olmamışdıq", - Kerri bildirib.
Dövlət katibi qeyd edib ki, "altılıq" (BMT Təhlükəsizlik Şurasının
daimi üzvləri və Almaniya) və İran gələn həftə razılaşmaya nail ola
bilər: "Əgər tezliklə ağır qərarlar qəbul edilərsə, İranın nüvə
proqramı üzrə saziş gələn həftə bağlana bilər. Əgər bu qərarlar
qəbul edilməsə, razılaşma olmayacaq".
Qeyd edək ki, yekun sənəd 30 iyuna qədər hazırlanmalı idi. Ancaq
tərəflər danışıqların 7 iyul tarixinə kimi uzadılması barədə qərar
veriblər.
Tarix
2015.07.06 / 00:15
|
Müəllif
Axar.az
|