Ana səhifə Toplum |
Ramazan ayının 18-dən 19-na keçən gecə (bu gecə) birinci Qədr gecəsidir. Məhz bu gecə Allah Quranı bəşəriyyətə nazil edib. Buna dair müqəddəs kitabda iki ayə var: "İnsanlara doğru yolu göstərən, bu yolu açıq dəlilləri ilə aydınlaşdıran və (haqqı batildən) ayıran (Quran) Ramazan ayında nazil edilmişdir" ("Bəqərə", 185); "Həqiqətən, Biz onu (Quranı) Qədr gecəsi (Lövhi-məhfuzda dünya səmasına) nazil etdik!" ("Qədr", 1). Bu ayələrdən aydın olur ki, Quran Ramazan ayında və Qədr gecəsi nazil olub.
Axar.az-ın məlumatına görə, Qədir gecəsinin hansı gecə olduğu bəlli deyil. Amma peyğəmbər (s) və imamlardan gələn rəvayətlərə görə, Qədr gecəsi Ramazan ayının 19, 21 və 23-cü gecələrindən biridir. Bu gecələr xalq arasında "Əhya gecələri" kimi də tanınır.
Qədr gecəsi olduqca fəzilətli gecədir. Bu gecənin şəninə ayrıca bir surə nazil olduğu buna sübutdur. Məhz həmən surədə buyurulur: "Qədr gecəsi min aydan daha xeyirlidir!" ("Qədr", 3).
Xatırladaq ki, Həzrət Əli bu gecə namaz üstə hücuma məruz qalıb və ağır yaralanıb, iki gün sonra isə dünyasını dəyişib.
Tarix
2015.07.06 / 02:15
|
Müəllif
Axar.az
|