Ana səhifə Planet |
"Ukraynaya səfərləri zamanı Beynəlxalq Şahmat Federasiyasının (FİDE) Prezidenti Kirsan İlumjınov yalnız şahmat fəalı kimi yox, həm də etibar edilmiş şəxs kimi hərəkət edir".
Axar.az xəbər verir ki, bu açıqlama ilə rusiyalı müxalifətçi Harri Kasparov çıxış edib.
"FİDE 21 ildir ki, onun nəzarəti altındadır. Bu əhəmiyyətli faktdır ki, İlumjınov Rusiya rəhbərliyi üçün qiymətlidir. O planetin ən qaynar nöqtələrində Kremlin tapşırıqlarını yerinə yetirir. 2011-ci ildə Qəddafi ilə iki görüş, 2012-ci ildə Bəşər Əsədlə görüş, Səddam Hüseynlə görüşlər Kremlin xarici siyasətində bu şəxsin nə dərəcədə önəmli olmasının göstəricisidir. Bununla İlumjınov Putinin məsələlərini həll edir. Mən əminəm ki, İlumjınovun Ukraynaya səfəri Putinin ümumi konsepsiyasına hesablanır. Hərbi yolla həll kənara çəkilir, ancaq əsas məqsəd Ukraynanın hakimiyyət quruluşunu dağıtmaqdır. Putin KQB vasitəsi ilə Ukraynanın siyasi həyatına daxil olmağın yollarını axtarır. Putin əsas peşəsinə əsaslanaraq, öz oyun imkanlarını genişləndirməyə çalışır", - Kasparov vurğulayıb.
Tarix
2015.07.07 / 00:14
|
Müəllif
Pərviz Həsənov
|