Türkiyə hərbi müdaxilə əvəzinə Suriyada Ankaraya yaxın qüvvələri dəstəkləyərək hədəflərinə çata bilər.

Axar.az xəbər verir ki, bu barədə Suriya Türkmən Milli Hərəkat Partiyasının sədr müavini Tarıq Sülo Cevizci açıqlama verib. O, bu müdaxilənin çox riskli olacağını bildirib:

"Türkiyə hərbi müdaxilə əvəzinə Suriyada Ankaraya yaxın qüvvələri dəstəkləyərək hədəflərinə çata bilər. Türkiyənin Suriyaya müdaxiləsi çox zəif bir ehtimaldır. Əgər bu olarsa, Türkiyə çox böyük itkilər verəcək. Ölkə daxilindəki gizli qruplar dövrəyə girəcək və Türkiyə qarışacaq. Türkiyə İŞİD-in hakim olduğu yerlərə müdaxilə edərsə, təşkilat Türkiyədə qorxulu tədbirlər həyata keçirə bilər. ABŞ, Rusiya, İran və Səudiyyə Ərəbistanının dəstəyi olmadan Türkiyə çətin vəziyyətdə qalacaq".