Bulvarda yaxın zamanlarda yeni karusel və attraksionlar istifadəyə veriləcək.

Axar.az Azərtac-a istinadən xəbər verir ki, idarənin rəis müavini Nazim Məcidov yaxın vaxtlarda Bakı Ağ şəhər və Bayıl bulvarında yeni karusel və attraksionların əhalinin istifadəsinə veriləcəyini deyib. Adı çəkilən ərazilərdə kafelər, restoranlar və müasir əyləncə mərkəzləri insanlara xidmət göstərəcək. Dənizkənarı Bulvar İdarəsi, həm də yaxın vaxtlarda istifadəyə veriləcək 2 ədəd hündür retro maşınla istirahət edənlərə xidmət göstərəcək. 12 nəfər sərnişin tutumuna malik retro maşınlar hazırda Bakıdadır.

N.Məcidov qeyd edib ki, bu yaxınlarda, həmçinin bütün bulvar ərazisində uşaqlar üçün nəzərdə tutulan pulsuz əyləncə aksiyaları bərpa ediləcək.

Dənizkənarı Milli Bulvar İdarəsi tərəfindən həyata keçirilən belə aksiyalar müxtəlif mövsümlərdə mütəmadi təşkil olunur.