İsrail 663 yaşayış məskəni üçün lazım olan vəsaitin Qəzzaya girişinə icazə verib.

Axar.az xəbər verir ki, Fələstin Tikinti və İnfrastruktur naziri Mufid əl Hasayinə yazılı açıqlamasında tərəflərin Qəzzaya Birləşmiş Millətlər Layihə Xidmətləri Ofisinin (UNOPS) nəzarəti altında inşaat materiallarının gətirməsi mövzusunda razılığa gəldiyini bildirib.

Xatırladaq ki, İsrailin keçən il iyulun 7-dən Qəzzaya başlatdığı və 51 gün davam edən hücumlarında əksəriyyəti qadın və uşaq olmaqla 2157 nəfər həlak olub, 11000-dən çox adam yaralanıb. Hücumlarda 17200 ev, 73 məscid və 24 məktəb tamamilə məhv edilib, minlərlə bina ziyan görüb. BMT-nin statistikasına görə, təxminən 500000 nəfər məktəblərə sığınmaq məcburiyyətində qalıb.