İngiltərədə Yunanıstana kömək etmək üçün pul yığılır.

Axar.az xəbər verir ki, bu barədə "Röyter" agentliyi məlumat yayıb. Yunanıstan Müstəqillik Kampaniyası (Greek Solidarity Campaign) adlı qrup Londonda təşkil etdiyi aksiyada üzərində "Oxi" ("Yox" – yunanların referenduma nəticəsinə işarə ilə) yazılan vedrələrlə Yunanıstan üçün pul toplayır. Kömək edən şəxslərin adları siyahılara yazılır və pulun Yunanıstan dövlətinə göndəriləcəyi bildirilir.

Digər tərəfdən, ayaqqabı satıcısı olan Tom Finey də Yunanıstan üçün internet üzərindən yardım toplayır. Finey 8 gündə 1.9 milyon avro toplaya bilib.

Kampaniya gündən-günə genişlənir və hər gün daha çox insan Yunanıstana yardıma qoşulur.