Əfqanıstanın şərqindəki Nangarhar şəhərində 49 İŞİD yaraqlısının öldürüldüyü bildirilib.

Axar.az xəbər verir ki, Nangarhar şəhərinin sözçüsü Əhməd Ziya Əbdülzayi Anadolu Agentliyi-nə açıqlamasında hücumun ABŞ qüvvələrinə aid pilotsuz uçan aparatlar vasitəsi ilə həyata keçirildiyini bildirib. Hücumların dünən günortadan sonra baş verdiyi də qeyd edilib:

"Hücumlar yaraqlıların bir yığıncaq üçün toplandığı vaxtda həyata keçirilib. Birinci hücumda 12 yaraqlı, ikinci hücumda 37 yaraqlı öldürüüb. Hücumlar dünən günortadan sonra baş verib".

Xatırladaq ki, son iki ayda Əfqanıstanın şərq bölgəsində İŞİD-ın fəaliyyətini genişləndirdiyi, qruplaşmanın tez-tez Talibanla qarşıdurmaya girdiyi bildirilib. Əfqan hökuməti İŞİD-lə mübarizə üçün planlı işlər gördüyünü və təşkilatın ölkə üçün ciddi təhlükə olduğunu qeyd edib.