Almaniyada yaşayan azərbaycanlı yazıçı Vüqar Dəmirbəylinin yaratdığı "Ədəb" hərəkatının rəsmi saytı – edeb.info fəaliyyətə başlayıb.

Bu barədə Vüqar Dəmirbəyli özü Axar.az-a məlumat verib. O bildirib ki, saytın ilk qonağı tanınmış alman şairi Reinhart Motitzen olub. "Ədəb" ədəbi hərəkatı onunla müsahibədə müəllifin yaradıcılıq fəaliyyəti, Azərbaycana münasibəti, "Şərq-Qərb" nəşriyyatının "Nəsimi" layihəsində iştirakı və müasir Azərbaycan ədəbiyyatını Almaniyada tanıtmağın yolları haqda söhbət aparıb.

Qeyd edək ki, "Ədəb" hərəkatı müasir ədəbiyyatımızın həm Azərbaycanın özündə, həm də dünyada tanınmasına xidmət etmək məqsədilə Vüqar Dəmirbəylinin təşəbbüsü əsasında yaradılıb.