Ana səhifə Planet |
"Polşa yaxın beş il ərzində öz milli valyutası olan zlotodan imtina etməyəcək".
Axar.az xəbər verir ki, bu sözləri Polşa prezidentinin xarici məsələlər üzrə müşaviri Kşiştof Şerski deyib. Onun sözlərinə görə, yerli valyutanın buraxılışının dayanmasına yalnız xalq referendumla qərar verməlidir.
Qeyd edək ki, 2015-ci ildə Polşada keçirilən sorğulardan sonra əhalinin 70%-nin avroya qarşı olduğu müəyyənləşmişdi.
Avropa Birliyinin 28 ölkəsindən yalnız 19-u avrozonaya daxildir. Danimarka və Böyük Britaniya hökumətləri avroya yalnız referendumdan sonra keçə biləcəklərini bəyan ediblər. İsveç isə 2003-cü ildə avroya keçidlə bağlı təşkil etdiyi referendumdan mənfi cavab alıb. Son beş ildə avrozonaya yalnız Estoniya (2011), Latviya (2014) və Litva (2015) qoşulub.
Tarix
2015.07.07 / 17:49
|
Müəllif
İlkin Həsənov
|