Pəhriz dərmanları insan sağlamlığı üçün ciddi təhlükələr yaradır.

Axar.az xəbər verir ki, bu dərmanlarla bağlı növbəti bəd xəbər İngiltərədən gəlib.

Gündə 1 dəfə içməli olduğu arıqlama dərmanından gün ərzində 8 dəfə qəbul edən gənc qızın halı pisləşib və o, xəstəxanaya yerləşdirilib. Mədə ağrıları və qusma ilə müşahidə olunan bu hal uzun çəkməyib. Gənc xanım halının get-gedə mənfiyə doğru getdiyini görəndə xəstəxanadan belə bir mesaj yazıb:

"Bu dəfə ağ elədim. Deyəsən, ölürəm. Axmaqlığıma görə hər kəsdən üzr istəyirəm".

Qeyd edək ki, sözügedən dərmanlar İngiltərədə 7 nəfərin ölümünə səbəb olub. Həkimlər həyəcan təbili çalır.