Ana səhifə Planet |
ABŞ Rusiyanın Tu-22 M3 tipli bombardman təyyarələrinin alternativini yaradır.
Axar.az xəbər verir ki, bu barədə "İnterfaks" Rusiya Müdafiə Nazirliyindəki qaynağına istinadla yayıb.
Mənbənin sözlərinə görə, ABŞ ordusu Rumıniyada yerləşdirilən raket əleyhinə müdafiə sistemlərini təsirsiz hala gətirən Tu-22M3-lər qarşısında acizdir:
"ABŞ yeni döyüş təyyarələri axtarışındadır. Tu-22M3 tipli bombardman təyyarələrinin Qara dəniz sərhədlərini aşa bildiyi, beləcə, Qara dəniz və ətrafında hava təhlükəsizliyini təmin etdiyi sübut olunub".
Qaynaq sözügedən döyüş təyyarələri ilə əlaqədar testlərin bu il də davam etdiriləcəyini bildirib.
Xatırladaq ki, Tu-22M3-lər səsdən sürətli ilk bombardman təyyarələridir və indiyədək bu təyyarələrin qarşısına çıxa biləcək reaktiv icad olunmayıb.
Rusiya 1990-cı illərdə dayandırdığı işlərin bir qismini elmi institutlarda davam etdirir.
Tarix
2015.07.28 / 13:10
|
Müəllif
Şəmsəddin Ənsar
|