Ana səhifə İdman |
Bu gün "Qarabağ" ağır döyüşə çıxır.
Axar.az xəbər verir ki, bütün nəzərlər Bakı vaxtilə 23:45-də Şotlandiyaya yönələcək. Çempionlar Liqasının III təsnifat mərhələsinin ilk oyununda Ağdam klubu ətəkli kişilərin komandası "Seltik"lə qarşılaşır.
Qurban Qurbanovun komandasını Avropa nəhənglərindən olan Qlazqo şəhər təmsilçisi ilə çətin oyun gözləyir. "Qarabağ" Azərbaycan futbolu tarixində Şotlandiya klubu ilə görüşən ilk komandadır.
"Seltik" böyük tarixi olan klubdur. Özünəməxsus futbol sərgiləyirlər. Hansısa futbolçunun adını çəkməyim düzgün olmazdı. Yetərincə yüksək keyfiyyətli futbolçuları var".
Bu sözləri Qurban Qurbanov mətbuat konfransında deyib. O, Şotlandiya klubunun matçın favoriti olduğunu bildirib: "Amma bu oyunda istənilən nəticə qeydə alına bilər. "Seltik"lilərin "Qarabağ"ı tərifləməsi onların yüksək peşəkarlığından irəli gəlir. Bizim üçün əlbəttə, bu sözləri eşitmək xoşdur. Amma bu, bizi daha məsuliyyətli olmağa vadar edir. Belə gözəl stadionda, çoxsaylı azarkeşlər önündə oynamaq maraqlı olacaq".
Q.Qurbanov futbolçularının hər hansısa təzyiqlə üzləşəcəyinə inanmadığını vurğulayıb: "Onların belə oyunlarda təcrübəsi olduğunu düşünürəm".
Tarix
2015.07.29 / 12:05
|
Müəllif
Emin Aslanlı
|