Türkiyədə HDP həmsədrlərindən biri olan Səlahəddin Dəmirdaş haqqında seçki öncəsi ortaya atılan "saxtalaşdırma qrupu yaratma" iddiaları ilə bağlı araşdırma işi başladılıb.

Axar.az xəbər verir ki, AKP başqan köməkçisi Süleyman Soylu Dəmirdaşın AKP haqqında səsləndirdiyi iddiaları əsas göstərək, vəkili Uğur Qızılca vasitəsi ilə Baş Prokurorluğa müraciət edib.

Bundan sonra başladılan istintaq çərçivəsində Ankara Baş Prokurorluğu Dəmirdaşın ifadə azadlığı sərhədlərini aşdığı qənaətinə gəlib.

Xatırladaq ki, HDP həmsədri Səlahəddin Dəmirdaş bir neçə gün əvvəl AKP-nin seçkilərə görə "3 min 500 nəfərlik saxtakar qrup yaratdığı" iddiasını səsləndirmişdi.

Türkiyə Baş Prokurorluğu HDP-yə qarşı da araşdırmalara başlayıb. HDP-dən olan millət vəkillərinin səsləndirdiyi fikirləin PKK-ya dəstək ifadə etdiyi və ölkədə terrorizmi körüklədiyi iddiaları təsdiqlənərsə, HDP bağlanacaq.