PKK terror təşkilatı Türkiyənin Şırnak vilayətinin Silopi rayonundan keçən Kərkük-Yumurtalıq neft boru kəmərinə hücum edib.

Axar.az xəbər verir ki, hücum gecə saatlarında reallaşıb. Partlayış nəticəsində neft 10 hektar əraziyə yayılıb.

Təhlükəsizlik qüvvələri dərhal ərazidə əməliyyata başlayıb.

Enerji və Təbii Qaynaqlar naziri Taner Yıldız hücumdan sonra yazılı açıqlama yayıb:

"İraqla sərhədin 18 km-də terrorçuların təxribatı nəticəsində neft boru kəməri partladılıb. Partlayışdan dərhal sonra klapanlar bağlanıb və neftin ətrafa yayılmasının qarşısı alınıb".

Qeyd edək ki, boru xətti İraq neftini Aralıq dənizinə çıxarır.