Donbasdakı terrorçuların "Ruh" batalyonu kürd və türk solçularına dəstək nümayiş etdirib.

Axar.az xəbər verir ki, batalyon yaydığı açıqlamada bundan sonra da Türkiyə komunistlərinin yanında olacaqlarını bildirib:

"Ruh" batalyonunda savaşan kommunistlər adından Suruçda İŞİD tərəfindən təşkil edilən hücumda öldürülənlərin ailələrinə və yaxınlarına dərin hüznlə başsağlığı veririk. Mübarizənizi izləyirik və sizi dəstəkləyirik. Böyük sərmayənin məqsədlərinə çatmaq üçün ən mürtəce güclərdən istifadə etdiyini bilirik. Ukraynada bu "Sağ sektor" və digər faşist təşkilatlarla edilir, Yaxın Şərqdə isə bunun üçün ən yaxşı vasitə İŞİD döyüşçüləridir. Yaşasın Luqansk və Donetskdən İstanbul və Kobaniyə qədər uzanan birləşmiş anti-faşist cəbhə!"