Ana səhifə Gündəm |
Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdulla İrana səfər edəcək.
Bu barədə Trend-ə İranın Azərbaycandakı səfirliyindən məlumat verilib.
Məlumata əsasən, bu gün İranın Azərbaycandakı səfiri Möhsin Pakayin K.Abdulla ilə görüşüb və İran prezidenti Həsən Ruhaninin qövmlər və dini azlıqların işləri üzrə müşaviri Əli Yunisinin dəvətnaməsini ona təqdim edib.
K.Abdullanın İrana səfəri Azərbaycan və İranda yaşayan azərbaycanlılar arasında mədəniyyət sahəsində əlaqələri inkişaf etdirmək məqsədi ilə müştərək əməkdaşlıqların artırılması məqsədi ilə baş tutacaq.
K.Abdulla İran səfiri ilə görüşdə iki ölkə arasında mədəniyyət sahəsində əlaqələrin inkişafının zəruriliyini vurğulayıb və yaxın gələcəkdə İrana səfər edəcəyini deyib.
Tarix
2015.07.30 / 13:48
|
Müəllif
Axar.az
|