Ana səhifə Kult |
Dövlət Dram Teatrı ilə Yuğ Teatrının yaradıcı heyəti
arasında yaşanan qalmaqal getdikcə qızışır. Başqa teatrların da
qocaman aktyorlarının öz həmkarlarına qahmar çıxması sözügedən
teatrın digər aktyorlarını bir az da ürəkləndirib. Hər kəs Yuğ
teatrının baş rejissoru Gümrah Ömərdən ittihamlara cavab verməyi
tələb edib.
Publika.az-a
açıqlama verən əməkdar artist Ələsgər Məmmədoğlu baş rejissora
qəzəbini belə ifadə edib:
"Sən "Yuğ"un baş rejissorusansa, get öz işinlə məşğul ol. Sənə kim
ixtiyar verib ki, Akademik Milli Dram Teatrının aktyorlarını təhqir
edirsən? Hansı tamaşaların uğur gətirib, indiyə qədər iki tamaşa
qoymusan, onlar da bərbad vəziyyətdədir. Yaxşı rejissor olsaydın,
Gəncə Teatrından səni qovmazdılar. Orda iki il işləyə bilmədin.
Çünki özünü doğrultmadın. Sən kimsən axı, qocaman sənətkarlar
barədə deyəsən ki, səhnədə yeriyə bilmir, qocalıb əldən düşüblər.
Əgər onlar pis aktyordursa, niyə tamaşaların 90 faizində əsas
rollarda çıxış edirlər? Bu teatrın adına ləkədir, insanlarda pis
təsəvvür yaradır".
Əməkdar artist Gümrah Ömərin tez bir zamanda cavabının
verilməsini tələb edib:
"Bildiyimə görə, teatrın direktoru İsrafil İsrafilov onu yanına
çağıraraq, mətbuatda bu cür açıqlamasına görə məzəmmət edib.
Teatrımızın qocaman aktyorları çox narahatdır, hətta aralarında
səhhətləri pisləşənlər də var. Niyə teatr aləmində adı-sanı olmayan
bir insan ağzına gələni danışmalıdır, sənətkarlarımızın yaradıcılıq
əhval-ruhiyyəsini korlamalıdır?"
Tarix
2015.07.30 / 14:34
|
Müəllif
Axar.az
|