Hazırda Türkiyədə istirahətdə olan Rusiyanın tanınmış balerinası Anastasiya Voloçkovaya köpək balığına oxşar kiçik ölçülü dəniz heyvanı hücüm edib.

ANS-in məlumatına görə, Voloçkova naməlum balığın dişləməsindən sonra həkimə müraciət edib. Fövqəladə hadisə körfəzlərdən birinə ekskursiya zamanı balerinanın açıq dənizdə üzdüyü zaman baş verib.

Voloçkova dərhal azərbaycanlı milyarder Telman İsmayılovun Antalyadakı möhtəşəm beş ulduzlu "Mardan Palace" mehmanxanasının tibb məntəqəsinə çatdırılıb.

Həkimlər sağ ayağında yaralar və sancmalar olduğundan ona infeksiyanın qarşısını almaq üçün lazımı iynələri vurub. Bununla belə bir neçə saat sonra balerina özünü daha pis hiss edib. Türk həkimlər məşhur rusa gəzintilərdən çəkinməyi və yataq rejimi məsələhət görüblər.

"Xəstəxanada bizə bildirdilər ki, bu birinci belə hadisə deyil. Antalyanın sularında quduz böyük tısbağalar olur. Mən üzərkən hiss etdim ki, nəsə mənim ayağımı sancır. Mən o qədər güclü qorxdum ki! Axı o buraxmırdı… Mən şok keçirdim, bilmirdim nə edim. Birtəhər yaxtanın nərdivanına çatıb, yardım çağırmağa başladım", - deyə Voloçkova hadisəni yada salaraq bildirib.

"İynələrdən çox qorxuram, buna görə iynə vurdurmaqdan imtina etdim. Nəticədə mənə antibiotiklər təyin etdilər. Onları atanda isə daim yatmaq istəyirəm", - Voloçkova qeyd edib.

Hadisədən sonra aktrisa dənizə girməyə qorxur.

Anastasiya Voloçkova azərbaycanlı biznesmen Bəxtiyar Səlimovla sevgi romanı yaşayıb. Bu yaxınlarda Bəxtiyar Səlimovdan ayrılan Anastasiyanın özünə yeni sevgili tapdığı bildirilir.