Ana səhifə Kult |
"Səhv düşəndə yerimiz" layihəsində iki ayrı peşə sahibinə sualların yerini dəyişərək verməklə və alınan cavabların nöqtə-vergülünə toxunmamaqla reaksiyaları, bilgi spektrini və yumor hissini yoxlamağa, bununla da həm müsahiblərimizi, həm oxucularımızı əyləndirməyə çalışacağıq.
Axar.az-ın layihə üzrə budəfəki qonaqları müğənni Faiq Ağayev və yazar Cəlil Cavanşirdir.
– Sentimentalizm və realizm cərəyanlarının bir-birindən əsas fərqi nədir?
Faiq Ağayev (müğənni): Siz məni tikinti yerində haqladınız. Fikrim tam yayınıqdır. Üstəgəl, nəzərə alın ki, mən rus bölməsində oxumuşam. Bilirəm ki, sentimentalizm və realizm cərəyanları müxtəlif anlayışlardır. Amma indi sizə dəqiq müəllif adları, təəssüf ki, deyə bilməyəcəyəm. Gərək düşünüm. Açıq etiraf edirəm ki, rus bölməsində oxuduğuma görə bu anlayışlar və Azərbaycan ədəbiyyatı bizim məktəb proqramımıza daxil olmayıb. Sonradan özüm marağıma görə – məktəb proqramına görə yox – əsərlər oxumuşam. Buna görə də məhz bu məsələdə, yəqin ki, sizə karlı olmayacağam.
Düzgün cavab: Realizm həyat həqiqətlərinin bədii yaradıcılığın bu və ya digər növünə məxsus spesifik təsvir vasitələri ilə əks etdirməli olduğu halda, sentimentalizm duyğunu, romantikliyi və həssaslığı əsas götürən sənət anlayışıdır.
– Neçə oktava var?
Cəlil Cavanşir (yazar): Bildiyim qədər iki oktava var.
Düzgün cavab: Oktava sayı 8-dir.
Tarix
2015.08.01 / 09:29
|
Müəllif
Rəfiqə Əlisəfa
|