Ana səhifə Avto |
ABŞ Çinə kiberhücum həyata keçirməyi planlaşdırır.
Axar.az xəbər verir ki, bu barədə informasiyanı "Nyu York Tayms" ("New York Times") qəzeti yayıb.
Qeyd olunur ki, Vaşinqton bu addımı Çindən qisas almaq məqsədilə atmaq niyyətindədir:
"Amerika hökuməti bununla bağlı çoxdan qərar verib. Vaşinqton casusluqla ənənəvi mübarizənin əvvəlki effekti vermədiyini görür. Artıq casusluqla mübarizə üçün yeni proqram hazırlanıb. Üstəlik, ABŞ-ın əsas sirlərinə girməyi bacaran Çin xakerləri burada bir sıra agentlərin şəxsiyyəti haqqında məlumat əldə ediblər ki, bu da gələcəkdə bu problem ətrafında mübahisəni böyüdə bilər. ABŞ-ın Çinə cavab kiberhücumu olacaq, amma bu, yaxın günlərdə baş verməyəcək. Bunun üçün bir az zaman gərəkdir".
Qeyd edək ki, bir müddət öncə Çin xakerləri 4 milyon amerikalının şəxsi məlumatlarını əldə etmişdilər. Məlumatları ələ keçirilən şəxslər sırasında diplomatlar və ABŞ-ın ən gizli agentlərinin adlarının da olduğu bildirilmişdi.
Tarix
2015.08.01 / 17:10
|
Müəllif
İlkin Həsənov
|