Ana səhifə Toplum |
Avqustun 2-də Şəkinin Suçma kəndində içməli su problemi həll olunub. 2700 nəfər əhalisi olan kəndə su çəkilişi Yaponiya hökumətinin "Ot kökləri və insan təhlükəsizliyi" qrant yardımı proqramı çərçivəsində həyata keçirilib.
Axar.az xəbər verir ki, kənddə su təchizatı sisteminin tikintisi layihəsinin başa çatması münasibətilə mərasim keçirilib.
Tədbirdə Yaponiyanın Azərbaycandakı səfiri Tsuquo Takahaşi, şəhər rəhbərliyi və kənd sakinləri iştirak ediblər.
Şəkinin icra başçısı Elxan Usubov Yaponiyanın ölkəmizdəki səfirliyi ilə icra hakimiyyəti arasında əməkdaşılığın 15 ildir ki, davam etdiyini bildirib. Şəkidə bu layihə də daxil olmaqla, ümumi dəyəri 1 milyon 260 min dollar olan 15 layihə reallaşdırılıb. Bu layihələr məktəb tikintisi, tibb, ekologiya, su təchizatı və digər sahələri əhatə edib.
Layihə üzrə Yaponiya hökumətinin qrant yardımının ümumi məbləği
102,5 min dollar təşkil edib.
Layihə çərçivəsində yeni drenaj sistemi yaradılıb, 24 tonluq su
anbarının inşa ilə Suçma kəndinin su problemi birdəfəlik həllini
tapıb.
Tarix
2015.08.02 / 16:56
|
Müəllif
Axar.az
|