Ana səhifə Planet |
Krımın Baş prokuroru Natalya Poklonskaya Ankarada təşkil edilən 2-ci Dünya Krım Tatar Konqresi ilə bağlı fikirlərini bölüşüb.
Axar.az xəbər verir ki, 35 yaşlı Poklonskaya Krım tatarlarının problemlərini kənarda həll edilməsinə ehtiyac olmadığını deyib:
"Konqresin bölgə sərhədləri xaricində təşkil edilməsi Krım tatarlarının vəziyyətindən daha çox siyasi məqsədlər güdür. Tatarların problemləri varsa, bunları bizim həll etməmiz lazımdır. Daxili problemlər daxildə çözülməlidir. Bu problemlər digər ölkələrin işi deyil. Afrika xalqlarının problemlərini Krımda müzakirə etmirik. Bu səbəbdən Ankaradakı Konqres Krımda qanun pozuntularının aşkar edilməsini bir daha təkrarlamaq, bunu bir daha dilə gətirmək üçün tamamilə planlı və xüsusi olaraq təşkil edilib".
Xatırladaq ki, 2-ci Dünya Krım Tatar Konqresi 1-2 avqust tarixlərində 12 ölkədən 180 Krım-tatar qeyri-hökumət təşkilatları və bəzi siyasətçilərin iştirakı ilə Ankarada keçirilir.
Tarix
2015.08.02 / 18:43
|
Müəllif
Şəmsəddin Ənsar
|