Rusiya Krımı anneksiya etdikdən sonra yarımadadan 10 min Krım tatarı köçüb.

Axar.az xəbər verir ki, bunu Ümumdünya Krım Tatarları Konqresində çıxış edən Mustafa Cəmilov söyləyib.

Onun sözlərinə görə, Rusiyanın yarımadadakı tatarları təqib etməsi insanların buradan axınını bundan sonra da dayandırmayacaq:

"Rusiya tatarları zorla orduya aparmaqla, gələcəkdə onları ukraynalılarla üz-üzə savaşdırmağı planlaşdırır. Krım tatarları öz vətənlərinə qayıtmaq istəsələr də onlara icazə verilmir. Əvəzində Moskva bura etnik rusları köçürür. Bunlar isə daha çox Ukraynanın şərqindəki döyüş bölgəsindən gələn insanlar olurlar".