Bakının kirayə ev bazarında canlanma yaranıb. Yeni tədris ilinin yaxınlaşması ilə əlaqədar tələbələr kirayə mənzil axtarışına çıxıb.

Axar.az-a verilən məlumata görə, avqustdan başlayaraq sentyabrın əvvəllərinə qədər kirayə evlərin qiymətində dəyişiklik müşahidə olunur. Ev sahibləri tələbar artdığı üçün tariflərə yenidən baxırlar.

Hazırda metronun "Neftçilər" və "28 May" stansiyalarına yaxın ərazilərdə ev dəllaları iş başındadır. Onlara müraciət edənlərin əksəriyyətini tələbələr təşkil edir. Qiymətlər isə ərazidən və mənzillərin kvadratı, şəraitindən asılı olaraq 250-500 manat arasında dəyişir.

O da deyilir ki, son vaxtlar Pakistan və Çindən gələn miqrantlar da kirayə ev bazarlarına üz tutur. Şəhərdə onların səyyar ticarətə yenidən başlaması kirayə evlərə tələbatı artırıb.