ABŞ-ın Kaliforniya əyalətində baş verən meşə yanğınlarının yaşayış məntəqələrinə sıçraması nəticəsinə 24 ev ziyan görüb.

Axar.az xəbər verir ki, bir müddətdir davam edən meşə yanğını üzündən bölgədə yaşayan 12 min nəfər üçün təxliyə əmri verilib.

Səlahiyyətli şəxslər alovların irəliləməyə davam etdiyini, bölgədə 6 min evin təhlükə altında olduğunu bildiriblər. Yanğın ərazidən keçən bir çox şosenin bağlanmasına səbəb olub. Yanğını söndürmək üçün əraziyə 2 mindən çox xilasetmə işçisi cəlb edilib.

Qeyd edək ki, mütəxəssislər yanğında quraqlığın və yağış gətirməyən quru ildırımın rolu olduğunu bildiriblər.