İraqda təhlükəsizlik və beynəlxalq koalisiya qüvvələrinin İŞİD terror təşkilatı ilə mübarizəsi çərçivəsində ölkənin müxtəlif şəhərlərində əməliyyatlar təşkil edilib.

Axar.az xəbər verir ki, ötən gün bu əməliyyatlarda 56 yaraqlının öldürüldüyü bildirilib.

Samirə şəhərində təhlükəsizlik qüvvələrinin təşkil etdiyi əməliyyatlarda 13 raket, 7 mərmi başlığı, 8 mərmi və müxtəlif partlayıcılar ələ keçirilib.

Xatırladaq ki, İŞİD-ın 2014-cü il iyunun 10-da Mosulu və daha sonra bəzi başqa bölgələri ələ keçirməsi ilə başlayan qarşıdurmalar ölkənin müxtəlif şəhərlərində davam edir. İraq ordusu peşmərgə qüvvələri ilə İŞİD-in əlindəki bölgələri geri almaq üçün əməliyyatlar təşkil edir. ABŞ-ın rəhbərliyi ilə yaradılan koalisiya qüvvələri də İraq ordusuna havadan dəstək verir.