Əgər ABŞ kəşfiyyatının Yaponiya Nazirlər Kabinetini izlədiyi sübuta yetirilsə, o zaman bizim münasibətlərimiz pozulacaq.

Axar.az xəbər verir ki, bunu Yaponiya Baş naziri Sindzo Abe ABŞ vitse-prezidenti Co Baydenlə telefon danışığı zamanı söyləyib.

Abe Baydendən Vaşinqtonun bu informasiyanı tam ciddi şəkildə araşdırmasını istəyib.

Qeyd edək ki, bir müddət öncə "Vikiliks" ("Wikileaks") saytında ABŞ kəşfiyyatının Yaponiya Nazirlər Kabinetini dinlədiyi haqqında məlumat yayılmışdı. Məlumatda Vaşinqtonun Yaponiya hökumətini 2006-cı ildən bu yana dinlədiyi bildirilmişdi.

Bunun ardınca Yaponiya Nazirlər Kabinetinin Baş katibi Yosixide Suqa deyilənlərin həqiqət olduğu təqdirdə ABŞ-ın öz müttəfiqini təhqir etdiyini və dinləmə qalmaqalına aydınlıq gətirilməsini istəmişdi.