Ana səhifə Planet |
HDP millət vəkilləri 2012-ci ildən Öcalanla görüşür, onun mesajlarını çatdırır. Buradan yanlış olaraq belə qənaətə gəlindi ki, biz PKK-nın sözçüləriyik.
Axar.az xəbər verir ki, bu barədə İngiltərənin "Faynənşl Tayms" qəzetinə açıqlamasında Türkiyənin Xalqların Demokratik Partiyasının (HDP) sədri Səlahəddin Dəmirdaş deyib. Onun sözlərinə görə, o görüşlər PKK-ya dəstək vermək anlamına gəlməməlidir:
"Biz PKK-nın bütün çirkin kamikadze hücumlarını pisləyirik. PKK-nı Türkiyəyə qarşı müharibəni dayandırmağa çağırdıq. Hər gün də eyni çağırışı edirəm".
O, 7 iyun parlament seçkisindən sonra HDP-yə qarşı siyasi hücumların olduğunu bildirib:
"Seçkilərdən sonra təkbaşına iqtidarını itirən hökumət HDP-nin siyasi əvəz ödəməsini istəyir. Bizə qarşı hücum edərək, səslərimizi və ictimai nüfuzumuzu yox etməyə çalışır. Yalnız belə olan halda erkən seçki zamanı AKP təkbaşına iqtidar ola biləcək".
Tarix
2015.08.05 / 14:07
|
Müəllif
İlham Sahiloğlu
|