Ana səhifə Toplum |
Dövlət Məşğulluq Xidməti işsizlər və işaxtaranlar üçün 6 rayonda əmək yarmarkaları təşkil edəcək.
Əmək və Əhalinin Sosial Müdafiəsi Nazirliyindən Axar.az-a verilən məlumata görə, bu yarmarkaların təşkili avqustda planlaşdırılır.
Avqustun 20-də Oğuz, 21-də Hacıqabul, 28-də Kürdəmir, Cəlilabad, Şabran rayonlarında və Şirvan şəhərində əmək yarmarkasının keçirilməsi üçün hazırlıq işləri aparılır.
Yarmarkalarda sosial müdafiəyə xüsusi ehtiyacı olan və işə düzəlməkdə çətinlik çəkən şəxslər üçün kvota üzrə iş yerlərinin təqdim olunması da nəzərdə tutulub.
Tədbirlər zamanı peşə hazırlığı və əlavə təhsil kurslarına, ödənişli ictimai işlərə cəlb olunmaq istəyənlər qeydə alınacaq. Yarmarkaların keçirilmə vaxtı dəyişdirildiyi halda bu barədə əlavə məlumat veriləcək.
Tarix
2015.08.05 / 16:04
|
Müəllif
Nigar İxtiyarqızı
|