Ermənistanda daha kəskin devalvasiya qaçılmaq olacaq.

Bu sözləri Axar.az-a açıqlamasında iqtisadçı ekspert Natiq Cəfərli deyib. Ermənistan Mərkəzi Bankının dramı sabit saxlamaq üçün öz rezervlərini xərcləməsini şərh edən iqtisadçı bunun uzunmüddətli olmayacağını bildirib:

"Ermənistan hökuməti onsuz da siyasi-ictimai vəziyyətin ağır olmasından və tez-tez keçirilən aksiyalardan dolayı qorxu içindədir. Hökumət dramın kəskin devalvasiyası və qiymətlərin qalxmasının ölkədə partlayış həddində olan ictimai-siyasi vəziyyəti gərginləşdirəcəyindən və aksiyaların böyüməsindən ehtiyat edir. Buna görə də hökumətin məcburən az həcmdə olan rezervlərinin bir qismini drama xərcləməsi siyasi bir addımdır. Hökumət ictimai rəyi sakitləşdirmək üçün intervensiyalar vasitəsi ilə dramın kəskin devalvasiyanın qarşısını almağa çalışsa da, bu, uzunmüddətli olmayacaq. Çünki bu ölkənin iqtisadi vəziyyəti Rusiyada gedən proseslərlə sıx bağlıdır. Bir sözlə, bir müddət sonra yenidən Ermənistanda daha kəskin devalvasiyanın şahid olacağıq".

Qeyd edək ki, avqustun 26-da Ermənistan Mərkəzi Bankı dramın ölməsinin qarşısını almaq üçün öz ehtiyat fondundan 50 milyon dollar xərcləyib.