Ana səhifə Planet |
ABŞ-da odlu silah alan insanların psixi sağlamlığı ilə Endi Parker – qətlə yetirilən jurnalistin atası məşğul olacaq.
Axar.az "İndependent"ə istinadən xəbər verir ki, Virciniya ştatında qətlə yetirilən jurnalistin atası ABŞ-da odlu silahların rahatlıqla əldə edilməsindən şikayətçidir. Parker verdiyi açıqlamada bildirib ki, insanların silah gəzdirmək hüququnu dəstəkləyir, amma psixi problemi olan şəxslərin bu addımı yanlışdır:
"Əlbəttə ki, insanların silah gəzdirmək hüququna qarşı deyiləm. Amma əlimdən gələni edəcəyəm ki, psixi cəhətdən sağlam olmayan insanların silah əldə etmək prosesini çətinləşdirim. Nəsə edib siyasətçiləri və Milli Atıcılıq Assosiasiyasını məcbur etmək lazımdır ki, silah satışı ilə bağlı daha məntiqli qanunlar qəbul etsinlər".
Xatırladaq ki, ABŞ-ın Virciniya ştatının Roanoke şəhərində iki jurnalist canlı yayımda öldürülüb. Öldürülən jurnalistlərdən 24 yaşlı reportyor Alison Parker Endi Parkerin qızıdır.
Tarix
2015.08.29 / 10:49
|
Müəllif
Rəfiqə Əlisəfa
|