Türkiyə hərbi təyyarələri koalisiya qüvvələri ilə birlikdə dünən axşamdan bəri İŞİD hədəflərini bombardman edib.

Axar.az xəbər verir ki, bu barədə Türkiyə Xaici İşlər Nazirliyindən məlumat verilib.

"Türkiyə və ABŞ arasında İŞİD-ə qarşı mübarizə ilə bağlı mövcud əməkdaşlığın daha da dərinləşdirilməsi istiqamətində verilən qərarlar ictimaiyyətə təqdim olunmuşdu. Türk Hava Qüvvələrinin Beynəlxalq Koalisiyanın İŞİD-ə qarşı aparılan Azad Qərarlılıq Hərəkatı çərçivəsində davam edən hava əməliyyatlarına qatılmaqla bağlı bir sıra sənədlər ABŞ-la 24 avqust 2015-ci il tarixində imzalanmışdı. Hərbi təyyarələrimiz koalisiya qüvvələri ilə birgə Suriyada fəaliyyət göstərən və ölkəmizin təhlükəsizliyinə ciddi təhdid yaradan İŞİD hədəflərinə qarşı dünən axşamdan bəri hava hərəkatına başlayıb. Terror təşkilatları ilə mübarizə Türkiyə üçün önəmli milli təhlükəsizlik məsələsidir. Bu mübarizəmiz davam edəcək", - nazirliyin məlumatında bildirilib.