Türkiyədə 22 iyuldan bəri keçirilən əməliyyatlar nəticəsində PKK-ya bağlı 943 terrorçu tutulub.

Axar.az xəbər verir ki, son 54 gündə baş verən terror hücumlarında 65 hərbçi həlak olub. Mülki insanlardan isə bir nəfəri İran əsili olmaqla 18 nəfər terrorun qurbanı olub, üçü İran əsilli olmaqla 257 nəfər yaralanıb.

Terrroçulara qarşı keçirilən əməliyyatlarda 227 avtomobil məhv edilib. Qarşıdurmalar nəticəsində 105 terrorçu məhv edilib, 14-ü yaralı olmaqla 19 nəfəri ələ keçib.

Jandarma qüvvələrinin 24 iyuldan bəri keçirdiyi əməliyyatlarda 2192 nəfər saxlanılıb. Onlardan 554 nəfəri isə terrorçulara yardım etdiyi üçün həbs olunub.

Hava əməliyyatları nəticəsində Türkiyə xaricində təxminən 580 terrorçu, ölkə daxilində isə 250-300 terrorçu yaralanıb.