Xüsusi radarların köməyi ilə əldə edilən fotolar şübhə yeri qoymur ki, İkinci Dünya müharibəsi dövründə zirehli qatar almanlar tərəfindən ölkənin cənub-qərbində Valbjix yaxınlığında tuneldə gizlədilib.

Axar.az xəbər verir ki, bu haqda Polşanın Mədəniyyət nazirinin müavini Pyotr Juxovski mətbuata açıqlama verib.

Onun sözlərinə görə, əldə olunan fotolar yerli sakinləin 1945-ci ildə qaçan nasistlərin dağ tunellərindən birində qızıl və silah yüklü zirehli qatar gizlətdiyi ilə bağlı irəli sürdüyü iddiaların təsdiqidir.

Juxovski bu tapıntıları olduqca mühüm tarixi tapıntı kimi qiymətləndirib. Sözügedən qatarın yerinin dəqiq coğrafi kordinatlarını verməkdən boyun qaçıran müavin həmin qatarda nasistlərə aid olan tarixi arxivlərin və incəsənət nümunələrinin ola biləcəyini də istisna etməyib.

Bununla yanaşı Pyotr Juxovski tapılan qatarın içindəki qızılların 10 faizinin onu tapanlara veriləcəyini də elan edib.

Xatırladaq ki, Axar.az daha öncə iki şəxsin Üçüncü Reyxin dövründən qalma içi qızıllarla dolu zirehli qatar aşkar etdiyini xəbər vermişdi.