İkinci Dünya Müharibəsi dövrünə aid olan nasist zirehli qatarından tapılan qızıllar qanuni sahibləri tapılmasa Polşa dövlət xəzinəsinə veriləcək.

Axar.az xəbər verir ki, bunu Polşanın Mədəniyyət nazirinin müavini Pyotr Juxovski deyib.

Ümumdünya Yəhudi Konqresinin rəhbəri Robert Zinger isə qızılların həbs düşərgələrində ölən yəhudilərə məxsus ola biləcəyini hesab edib, ona görə də xəzinənin onların varislərinə verilməli olduğunu bildirib.

Zinger belə olan halda qızılların Xolokostdan sonra dövlət tərəfindən kompensasiya almayan Polşa yəhudilərinə veriləcəyini söz verib.

Rusiyalı jurnalist Mixail Yoffe isə beynəlxalq hüquq normalarına görə, qızılların SSRİ-dən oğurlandığı üçün Rusiyaya verilməli olduğunu deyib.