Ana səhifə Kult |
Bəzən aktyorlar onları məşhurluq pilləsinə çatdıran filmdən, yaxud filmdəki performansından narazı qalır.
Axar.az xarici mətbuata istinadən rol aldıqları filmlərə nifrət edən aktyorların siyahısını təqdim edir:
Ben Afflek
Məşhur aktyor Ben Afflek "Daredevil" filmi ilə bağlı verdiyi açıqlamada "O filmdə oynadığım rolun məni daim izləyəcəyini bildiyim üçün əzab çəkirəm", - deyə bildirib.
Halle Berri
Olduqca mənfi tənqidlərlə üzləşən "Pişik qadın" filminin aktrisası Halle Berri bu filmə görə "Ən pislərin Oskarı" mükafatına layiq görülüb. Mükafatı alandan sonra Berri "Məni bu qorxunc filmə çəkmək üçün dəvət edən Varner Brosa təşəkkür edirəm", - deyib.
Bob Hoskins
Aktyor Bob Hoskins ona ünvanlanan "Gördüyünüz ən pis iş" sualına düşünmədən baş rolda çəkildiyi "Super Mario" filmini göstərib. Bob bu işdən peşman olduğunu açıq şəkildə bildirib.
Kristofer Plummer
Plummer çəkildiyi "Şən günlər" filminin sevilməsinə baxmayaraq, film haqqında ürəkaçan sözlər deməyib: "İnsanlar hər il eyni şeyi oturub izləmək məcburiyyətində qalırlar. Bu isə çox ağrılıdır".
Katerin Heiql
Heiql "Qəza gülləsi" filmi haqqında bunları deyib: "Bir az seksist bir film idi. Qadınları yaramaz və zarafat hissindən məhrum kimi göstərən film, kişiləri seviləsi və əyləncəli tip olaraq əks etdirirdi. Filmin çəkilişlərində çox əyləndim. Ancaq bu filmi sevməyim mümkün deyil", - deyə bildirib.
Mark Valberq
Valberq rol aldığı "Mistik hadisə" filminin maddi baxımdan gözləntiləri doğrultmadığını və filmin çox pis alındığını uzun illər sonra dilə gətirib.
Silvester Stallone
Məşhur aktyor Stallone "Bir çox pis filmə çəkildim, ancaq "Dayan, yoxsa anam atəş açacaq" filmi bunların içində ən pisi idi", - deyərək bu filmə çəkildiyi üçün peşman olduğunu etiraf edib.
Robert Pattinson
"Alacaqaranlıq" serialının baş rol ifaçısı Pattinson "Özünüz bu filmin pərəstişkarsınızımı?" sualına cavab verib: "Xeyr, bu filmə səbəbsiz şəkildə nifrət edirəm".
Arnold Şvarseneqer
Döyüş filmlərinin qəhrəmanı olan Arnold "Qırmızı Şahzadə" filminin karyerası boyunca çəkildiyi ən pis film olduğunu söyləyib.
Tarix
2015.09.01 / 01:50
|
Müəllif
Natiq Azəri
|