Ana səhifə Planet |
Rusiyanın Perm məhkəməsi "Real oğlanlar" serialının baş qəhrəmanı aktyor Aleksandr Kulinini 18 il müddətində azadlıqdan məhrum edib.
Axar.az xəbər verir ki, aktyor ötən il avqustun 25-də 19 yaşlı Liza Zobninanın ölümündə təqsirkar bilinib.
Zobninanın olümündən əvvəl onun zorlandığını öyrənən ailə üzvləri Kulinindən 1 milyon rubl da tələb ediblər.
Aleksandr Kulinin məhkəmə zalında özünü günahkar hesab etməsə də, onun keçən il "Sadovıy" kafesində tanış olduğu Liza Zobnina ilə söhbətləri və birlikdə məkanı tərk etmələri kamera yaddaşına həkk olunub. Bu da canini tapmağa kömək edib.
Lizanın cəsədi yeni tikilən göydələnin yaxınlığında tapılıb.
Ölümündən sonra rəsmlərdən ibarət sərgisi təşkil edilən Lizanın xatirəsini yad etmək üçün minlərlə tələbə sərgini ziyarət etmək üçün Perm şəhərinə gəlib.
Tarix
2015.09.01 / 02:00
|
Müəllif
Aynur Nurlu
|