"Azanfilm" studiyasının direktoru Fariz Əhmədov işdən çıxıb.

Axar.az xəbər verir ki, bu barədə "Report"a Fariz Əhmədov məlumat verib:

"Özüm ayrılmaq istədim. Çünki işim yaradıcılıq fəaliyyətimə mane olurdu. Direktor olduğum 3 il ərzində bir film də çəkə bilməmişdim. Yaradıcılıq işlərinə vaxt ayıra bilmirdim. Ona görə də, belə qərara gəldim ki, yaradıcılıq fəaliyyətimə geri qayıdım. Artıq yeni filmin çəkilişlərinə başlamışam".

Onun sözlərinə görə, "Azanfilm" studiyasına hələlik yeni direktor təyin edilməyib. Direktorun səlahiyyətlərini müvəqqəti olaraq Əlisəttar Quliyev icra edir. Ə.Quliyev "Azanfilm" studiyasının direktor müavinidir.