İsa Muğannanın pyesləri var ki səhnələşdirilsin?

Bu sözləri Azərbaycan Dövlət Akademik Milli Dram Teatrının direktoru İsrafil İsrafilov teatrda İsa Muğannanın əsərlərinin səhnələşdirilməsi ilə bağlı Axar.az-a danışarkən deyib:

"İsa Muğannanın pyesləri var ki səhnələşdirilsin? Doğrusu, mən onun pyeslərindən xəbərsizəm. Əgər romanlarının tamaşaya qoyulması nəzərdə tutulursa, bu, mümkün deyil. Çünki romanı əvvəlcə dram janrına salmaq lazımdır, bu da teatrın işi deyil.

Hansısa dramaturq, ssenarist romanı səhnəyə uyğunlaşdırmalı və teatrın bədii şurasına təqdim etməlidir ki, biz də həmin əsəri tamaşaya qoyaq. Əgər dram hazır olsa, biz onu məmnuniyyətlə səhnələşdirərik".

Qeyd edək ki, bir müddət əvvəl yazıçı İsa Muğannanın qızı dosent Sevinc Muğanna Axar.az-a atasının əsərlərinin "Azdrama"da səhnələşdirilməsini istədiyini, ancaq sözünün yerə düşməsindən qorxduğu üçün heç bir teatra müraciət etmədiyini demişdi.