Parlament seçkilərində yenidən iştirak etmək niyyətində olan deputatların bəzilərinin adları artıq məlumdur. Onlar mətbuata müsahibələrində namizədliklərini irəli sürəcəklərini açıqlayıblar.

Hakim Yeni Azərbaycan Partiyasından da deputat olmaq istəyənlər arzusunu dilə gətirib, amma partiyanın İdarə Heyəti tərəfindən siyahı hələ ki, açıqlanmayıb.

Axar.az deputatlığa iddialı şəxslərin ehtimal olunan siyahısını təqdim edir:

Bahar Muradova

Qənirə Paşayeva

Oqtay Əsədov

Ziyafət Əsgərov

Rövnəq Abdullayev

Fəttah Heydərov

Valeh Ələsgərov

Siyavuş Novruzov

Aydın Mirzəzadə

Hadı Rəcəbli

Qüdrət Həsənquliyev

Fazil Mustafa

Zahid Oruc

Fəzail Ağamalı

İqbal Ağazadə

Rasim Musabəyov

Aqil Abbas

Sabir Rüstəmxanlı

Fəzail İbrahimli

Rafael Hüseynov

Əli Məsimli

Çingiz Qənizadə

Yevda Abramov

Nizami Cəfərov

Əli Hüseynli

Azay Quliyev

Səməd Seyidov

Asim Mollazadə

Arif Rəhimzadə

Mixail Zabelin

Ziyad Səmədzadə

Cavanşir Feyziyev

Adil Əliyev

Deputat Musa Qasımlı Axar.az-a namizədliyini irəli sürəcəyini deyib. Millət vəkili Vahid Əhmədov da saytımıza 52 saylı Quba rayon seçki dairəsindən namizəd olacağını söyləyib.

Onun sözlərinə görə, bu günlərdə Dairə Seçki Komissiyasına ərizəsini təqdim edəcək. V.Əhmədov ona namizədliyini irəli sürmək üçün seçicilər tərəfindən təkliflər olduğunu qeyd edib.

Ülvi Quliyev də növbəti 5 ildə parlamentdə təmsil olunmaq istəyir. Deputat Azvision.az-a 17 saylı Yasamal üçüncü seçki dairəsindən namizədliyini irəli sürəcəyini bildirib.

Milli Məclis üzvü Rövşən Rzayev də yenidən namizədliyini irəli sürmək niyyətindədir. O, 101 saylı Göygöl-Daşkəsən seçki dairəsindən namizədliyini irəli sürəcək. YAP üzvü olan millət vəkili Qalib Salahzadənin fikrincə, onun namizəd olması partiyanın qərarından asılıdır.