"Artimiqrasiya-2015 Ümumrusiya gənclərinin forumu"na dəvət almışam.

Bu sözləri aktrisa Günel Məmmədova Gənc Tamaşaçılar Teatrının 88-ci mövsümünün açılışı və Moskvada foruma dəvət alması ilə bağlı Axar.az-a danışarkən deyib:

"Gənc Tamaşaçılar Teatrında 88-ci teatr mövsümünü uşaqlar üçün "Çirkin ördək balası" və böyüklər üçün "Romeo və Culyetta" tamaşasıyla açacağıq. Hər iki tamaşada rol almışam.

Açılış üçün hələ ki fərqli bir şey gözlənilmir. Tamaşalarda yeniliklər və yeni tamaşalar təbii ki, olacaq.

Məndə olan yenilik odur ki, yenidən Moskva şəhərində keçiriləcək "Artimiqrasiya-2015 Ümumrusiya gənclərinin forumu"na dəvət almışam. Bu forumda Rusiya, MDB və Baltikyanı ölkələrdən olan gənclər iştirak edəcək.

Azərbaycandan da mən, Eşqin Quliyev, Tural Mustafayev və Oleq Amirbekov dəvət olunub".