Ana səhifə Planet |
Çin Rusiya Prezidenti Vladimir Putin üçün yeni problem olub.
Axar.az xəbər verir ki, bu barədə "Bloomberg" agentliyi yazıb.
Agentlik Çin iqtisadiyyatının zəifləməsinin neft qiymətlərinə təsir etdiyini, bunun isə öz növbəsində əsas ixracatçılardan biri olan Rusiyanı çətin vəziyyətə saldığını qeyd edib.
Rəsmi məlumata görə, 2015-ci ilin ilk 6 ayı ərzində Rusiya ilə Çin arasında ticarət dövriyyəsi 29 faiz azalaraq 30,6 milyard dollar olub.
Agentlik Putinin bu gün Çinə səfər edəcəyini xatırladıb və iki ölkə arasında yeni bir qaz kəməri barədə memorandumun imzalanacağını qeyd edib.
"Bloomberg" həmçinin Putinin AB və ABŞ-ın hegemonluğuna qarşı Rusiya-Çin ittifaqında təkid etdiyini, lakin iki ölkə arasında münasibətlərin göründüyü kimi yaxın olmadığını bildirib.
Qeyd edək ki, Putin sentyabrın 2-3-də Pekinə səfər edəcək və İkinci Dünya müharibəsi ilə bağlı təşkil olunacaq mərasimlərə qatılacaq.
Tarix
2015.09.02 / 12:58
|
Müəllif
İlham Sahiloğlu
|