Rusiya Ukrayna ilə sərhəddə 2 metr hündürlükdə təhlükəsizlik divarı inşa edəcək.

Axar.az xəbər verir ki, bu barədə Federal Təhlükəsizlik Xidmətinin Sərhəd Təhlükəsizlik İdarəsinin rəsmi internet saytında məlumat verilib. Məlumata görə, təhlükəsizlik divarının uzunluğu 3,22 kilometr olacaq.

Qeyd edək ki, artıq divarın tikintisi üçün tender elanı da verilib.

Tenderin şərtlərinə görə, tikanlı tellərlə təchiz ediləcək divarın xərci 9,9 milyon rublu (təxminən 150 min dollar) keçməməlidir.

Sərhəddə qeyri-qanuni fəaliyyətləri önləmək məqsədiylə inşa ediləcək divarın 1 dekabr 2015-ci ilə qədər tamamlanacağı gözlənilir.