Türkiyənin Dənizli bölgəsinin qədim Laodikya şəhərində aparılan qazıntı işləri nəticəsində yunan tanrıçası Atenanın heykəlinin baş hissəsi tapılıb.

Axar.az xəbər verir ki, qazıntı işlərini aparan Pamukqala Universiteti Arxeologiya İnstitutunun müdiri Cəlal Şimşək heykəlin başının təxminən torpağın 10 sm altından tapıldığını deyib:

"Heykəlin başının 10 sm dərinlikdən tapılması onu bizdən əvvəl kimlərinsə tapdığını göstərir. Bu antik heykəltəraşlıq nümunəsini tapan şəxslər çox güman ki, ona müştəri tapınca "başı" yenidən torpağa basdırmaq qərarına gəlib".

Qeyd edək ki, Atena yunan mifologiyasında zəka, sənət, strategiya və barış tanrıçası hesab olunur.