Şirvan şəhərində SSRİ dövründə tikilmiş "Yay kinoteatrı" yenidən istifadəyə yararlı vəziyyətə gətirilib.

Şəhər sakinlərinin Axar.az-a verdiyi məlumata görə, uzun müddət baxımsız qalan "Yay kinoteatrı" təmir işlərindən sonra tamaşaçıların ixtiyarına verilib. 300-dən çox tamaşaçı tutumu olan kinoteatrın səhnəsinə yeni dizayn verilib, zalda müasir işıqlandırma sistemi və avadanlıqlar quraşdırılıb.

Kinoteatrın xarici görkəmi də dəyişdirilib, ətrafda yaşıllaşdırma və abadlıq işləri aparılıb.

Açılış mərasimində Şirvan Şəhər İcra Hakimiyyətinin başçısı Mərdan Camalov və Milli Məclisin deputatı Azay Quliyev iştirak edib.