Rabitə və Yüksək Texnologiyalar Nazirliyinin Məlumat Hesablama Mərkəzi dünyanın aparıcı İT şirkətləri ilə əlaqələrini genişləndirmək istiqamətində işlər aparır.

Nazirlikdən Axar.az-a verilən məlumata görə, mərkəz 2014-cü ildə aldığı İSO 27001:2005 sertifikatını yeniləyərək İSO 27001:2013 beynəlxalq standartı üzrə sertifikata layiq görülüb.

Müəssisə dünyanın nəhəng proqram təminatçısı olan "Microsoft" şirkətinin Gümüş tərəfdaşları sıralarına daxil olub.

Bununla da "Elektron hökumət" portalının operatoru Azərbaycanda Gümüş tərəfdaşları sıralarına daxil olan ilk dövlət müəssisəsi olub.

Hazırda "Microsoft" şirkətinin əməkdaşlıq proqramı özündə dünyanın 32.000 şirkətini birləşdirir.

Ölkəmizdə dövlət qurumları arasında ilk dəfə belə yüksək əməkdaşlıq səviyyəsinə Rabitə və Yüksək Texnologiyalar Nazirliyi layiq görülüb.