Poroşenko Ukraynanın Ali Radasında baş verən hadisələrlə bağlı Rusiyanı "Ukraynada sabitliyin pozulması kampaniyası" yürütməkdə ittiham edib.

Axar.az "Unian.net"ə istinadən xəbər verir ki, Ukrayna Prezidenti Pyotr Poroşenko qalmaqallı qanunun ilk oxunuşda qəbulundan sonra baş verən qarşıdurma və iğtişaşlarda tək günahkar olaraq Rusiyanı və onun təxribatçılarını görür:

"Son hadisələr bir daha sübut etdi ki, Rusiya radikal sağçıların və digər təxribatçılarının köməyi ilə Ukraynada sabitliyi pozmağa çalışır".

Prezident çıxışı zamanı Moskvanın qeyri-adekvat hərəkətlərinin təkcə Ukrayna üçün deyil, həm də Avropa və qlobal təhlükəsizlik üçün təhdid olduğunu da vurğulayıb.