Xorvatiya Azərbaycan vətəndaşları və ölkəmizdə qanuni əsaslarla yaşayan üçüncü ölkə vətəndaşlarından təkkeçidli vizalarla bağlı müraciətlərin qəbuluna başlayıb.

Bu barədə Xorvatiyanın Ankaradakı səfirliyindən Xarici İşlər Nazirliyinə daxil olan notada qeyd olunub.

Bildirilib ki, Xorvatiya ilə "VFS Global" beynəlxalq şirkəti arasında əldə

olunmuş razılaşmaya əsasən, 31 iyul 2015-ci il tarixindən etibarən sözügedən

şirkətin Bakı şəhərində fəaliyyətə başlayan mərkəzi (http://www.vfsglobal.com/croatia/azerbaijan/) viza işlərini həyata keçirəcək.

Notada vətəndaşların qeyd olunan mərkəzin xidmətlərindən istifadə etməklə yanaşı, müraciətlərini Xorvatiyanın Ankaradakı diplomatik nümayəndəliyinə də ünvanlaya biləcəkləri qeyd olunub.